काठमाडौँ — नेपाल प्रिमियर लिग (एनपीएल) को ट्रफी अनावरण गरिएकाे छ।
साेमबार एक विशेष समाराेहबीच प्रधानमन्त्री केपी शर्मा ओलीले सुन्धरास्थित धरहरा परिसरबाट अनावरण गरेका हुन्।
एनपीएल ट्रफीको मुख्य आकर्षण सगरमाथाको आधार शिविर कालापत्थरको ढुंगा रहेको नेपाल क्रिकेट संघ (क्यान)ले जनाएकाे छ।
ट्रफी अनावरण गर्दै प्रधानमन्त्री ओलीले एनपिएल)ले नेपालकाे पर्यटन क्षेत्रकाे विकासमा टेवा पुर्याउने र युवाकाे जाेस जाँगरलाई उजार गर्ने बताए।
साथै उनले एनपीएलमा कुन टाेलीलाई समर्थन गर्ने भन्नेमा दुविधामा रहेकाे उल्लेख गरे।
‘आठ वटा टिममध्ये कसलाई सपाेर्ट गर्ने भन्नेमा म दुविधामा छु। प्रधानमन्त्री भएकाे हिसाबले यसलाई समर्थन गर्ने, उसलाई नगर्ने भन्ने हुँदैन। म अहिले सबैलाई समर्थन गर्छु, अनि जाे बितेता हुन्छ उसलाई बधाई दिन्छु। अहिलेलाई सबैलाई शुभकामना छ’, उनले भने।