चन्द्रागिरि नगरपालिका-०१ दहचोक इन्द्रस्थानस्थित पूर्वउपराष्ट्रपति नन्दबहादुर पुनको घरमा नेकपा बहुमतले कालो ब्यानर टाँगेको छ । धर्मेन्द्र बास्तोला नेतृत्वकाे नेपाल कम्युनिष्ट पार्टी (बहुमत)ले शनिबार पूर्वउपराष्ट्रपति पुनको घरमा कालो ब्यानर लगाएको हाे ।
पुनले सुविधा सम्पन्न घर बनाएको भन्दै उक्त घर निर्माणको स्रोत के हो? भनेर नेकपा बहुमतले प्रश्न गरेको छ । २०४६ यताका उच्चपदस्थको सम्पत्ति छानबिन गर्न पनि पार्टीले माग गरेको छ । पूर्वउपराष्ट्रपति पुन १० वर्षे सशस्त्र युद्धको समयमा माओवादी सेनाका कमान्डर थिए ।
उनैले तालिम दिएका कार्यकर्ताले आफ्ना पूर्वकमान्डरकै घरमा कालो ब्यानर लगाएका हुन् । घरको मूल प्रवेशद्वार नजिकै टाँगिएको ब्यानर सुरक्षाकर्मीले केही बेरमै हटाएको थियो ।