काठमाडौँ — नेपाल प्रिमियर लिग (एनपिएल) मा आज(बिहीबार) भएको क्वालिफायर टु खेलमा कर्णाली याक्सले हार बेहाेरेसँगै फाइनलमा सुदूरपश्चिम र जनकपुर भिड्ने भएका छन्।
आज भएकाे खेलमा जनकपुर बाेल्ट्सले कर्णालीलाई दुई विकेटले पराजित गरेकाे थियाे। कर्णालीले दिएकाे ११९ रनको लक्ष्य जनकपुरले १९ ओभरको खेलमा ८ विकेट गुमाएर हात पार्याे।
कर्णालीकाे हारसँगै अब फाइनलमा उपाधिका लागि सुदूरपश्चिम र जनकपुर भिड्नेछन्।
यसअघि सुदूरपश्चिमले क्वालिफायर वानमा जनकपुरलाई नै ८ विकेटले हराउँदै फाइनलमा स्थान पक्का गरेको थियो।
कर्णालीले भने इलिमिनेटरमा चितवन राइनोजलाई २१ रनले पराजित गर्दै क्वालिफायर २ सम्म आएको भएपनि जनकपुरसँग स्तब्ध हुँदा तेस्राे स्थानमा चित्त बुजाउनु पर्ने भएकाे छ।
उपाधिका लागि अर्को खेल पुस ६ गते हुनेछ।
